Годината која доаѓа е специјална и возбудлива во многу аспекти за родените во овој знак. Таа носи позитивни промени и можност да бидете успешни во реализација на вашите цели.
Имате поддршка од ѕвездите кои ви носат голем успех на работното место. Вашето знаење и вештини ќе ви помогнат да направите позитивни промени, но ќе морате да донесете важни одлуки кои ќе ви бидат во корист и кои ќе ви помогнат да се ослободите од стресот. Можни се мали проблеми во средината на годината, но брзо ќе ги разрешите со помош на својата мудрост и поддршката од најблиските.
Ова е година која ви носи многу нови луѓе и места, а доаѓа и можност за интересни патувања. Минувајте време во природа и оддалечете се од електронските уреди, бидејќи тоа ќе ви помогне да ги наполните батериите за многуте активности во месеците кои се пред вас.
Би било мудро во 2022 година повеќе да штедите. Не купувајте нешто што не ви е потребно и ослободете се од работите кои веќе не ги користите. Ако имате вишок облека која не ја носите, не ја чувајте туку донирајте ја некому.
Нептун ви носи можност да се фокусирате на пријателствата и да се поврзете со различни личности околу вас. Некои луѓе ќе ве разочаруваат, но во текот на годината ќе бидете среќни што имате вистински пријатели околу вас.
Работа
2022 година е време кога ќе треба да тргнете во интензивна реализација на своите планови и идеи. Сатурн ќе остане во вашата десетта куќа во текот на годината носејќи ви поволни визии во врска со работата, одлични контакти и многу нови можности. Исто така, ќе имате можност и за службени патувања кои ќе ви донесат нови контакти. Дополнително, присуството на Јупитер во вашиот знак ќе ви помогне да бидете успешни и задоволни со вашата финансиска ситуација.
Сега можете да одлучите да направите чекор напред кон она што долго го посакувате, градејќи живот по ваши стандарди. Некои Овни ќе се фокусираат на личниот профил и на тоа каков впечаток оставаат во професионалниот свет.
Оние Овни кои се занимаваат со трговија можно е малку да се разочараат бидејќи Сатурн ќе ги натера да работат повеќе од вообичаено. Постојат можности за одредени загуби, особено на почетокот на годината па затоа бидете внимателни.
Некои претставници на овој знак ќе бидат инспирирани да ги менуваат своите навики, а ќе градат и успешни професионални соработки па и пријателства во текот на годината. Ќе бидете одговорни како и секогаш, но ова е година во која конечно ќе научите да ги избирате битките и да не избувнувате без причина. Многу важно е да размислите со кои колеги и соработници сакате да продолжите да соработувате и да донесете одлука ако некоја личност не ви одговара. Во февруари ќе преземете ризици, но и ќе бидете задоволни од својата храброст. Тоа ќе ве направи самоуверени и ќе ви донесе можност да побарате унапредување какво што заслужувате. Во текот на целата година ќе ја сакате својата работа и ќе бидете горди на успесите кои ги постигнувате.
Почетокот на март ви носи поинтензивна енергија, но само важно е да не влегувате во конфликти во тимот на работното место. Доаѓаат награди кои ви се важни, а веќе во следните одлуки ќе треба да донесете и важни одлуки кои некое време чекаат на вас.
Во текот на летото треба да бидете внимателни да не дозволувате вашите чувства и лични размислувања да влијаат на работата, туку да бидете рационални во својот пристап. Можни се приговори од некои од соработниците со кои успешно ќе се справите, но на краток рок ќе ви донесат стрес. Грижете се за своето ментално здравје во текот на годината затоа што иако ѕвездите ви се наклонети сепак стресот ќе биде неизбежен и може да ве истошти.
Љубов
Ако сте сами, оваа година ви носи предизвици и интересни личности од кои ќе барате поддршка и емоционална сигурност. Ако не сте во брак, ова е една од најубавите години за да стапнете на лудиот камен, ако тоа е вашата желба. Ќе уживате во убави моменти во текот на годината и ќе направите големи избори кога станува збор за љубовта, а често ќе ги изненадувате и другите со тоа.
Со поддршка на Венера ќе имате среќа во љубовта.
Февруари ви носи повеќе романтични понуди. Можеби сте навикнати на една личност со која пробувате дали ќе функционира, но во текот на зимата ќе имате повеќе кандидати од кои ќе го избирате најдоброто. На пролет и лето, можно е да запознаете личност која одамна сте ја посакувале покрај себе. Но, можни се измешани чувства бидејќи ќе се чувствувате како тоа да е премногу добро да биде вистинско и ќе бидете скептични на почетокот. Можни се сомнежи и недоверба, но потрудете се да не ја закомплицирате комуникацијата и да бидете внимателни.
Ако сте во врска, ситуацијата се подобрува во периодот меѓу април и септември и можно е некои парови да размислуваат за бременост. Ако дојде до недостаток во комуникацијата и оддалечување, потсетете се дека искрениот и отворен разговор може да реши многу работи. Некои врски ќе се соочат со тензија, но тоа е тест за тоа колку е силна вашата врска.
Ова е година во која ќе се сложувате со Близнаците, со Лавовите и Стрелците.
Здравје
Оваа година е одлична кога станува збор за здравјето. Ѕвездите ви носат позитивна енергија во поголем дел од годината, но можен е стрес поради преголемите очекувања кои си ги поставувате себеси. Често ќе се соочувате со прекумерен замор и ментален стрес, а тоа може да влијае на вашето севкупно здравје. Важно е да најдете начин да се опуштите преку физички активности и прошетки и да не претерувате со исхраната, алкохолот и лековите.
Обрнете внимание на коските, но не претерувајте со земање суплементи и витамини кои можеби не ви се потребни. Внимавајте и на грбот и не се изложувајте на непотребен и прекумерен напор.
Се препорачува балансирана исхрана, многу вода и течности во текот на денот.
Хороскоп по месеци
Јануари: Согледајте ги целите кои сакате да ги постигнете за да можете да направите добра стратегија за нивна реализација. Ова е одличен месец за почеток на некои нови активности.
Февруари: Ова е месец исполнет со љубов и романса, а може да ви ја донесе и долгоочекуваната љубов. Исто така, ќе пронајдете начини да ги решите постоечките проблеми, но и да му се радувате на животот и да дишете со полни гради.
Март: Во овој месец можни се контакти и ситуации кои ќе ве поттикнат да направите поголеми промени, да внесете нови навики во својот живот, но и да обрнете повеќе внимание на своето здравје. Ова е и месец за одмор.
Април: Ќе бидете во средина со луѓе кои нема да ви мислат најдобро, а така можни се и некои штетни ситуации. Вашиот ум ќе има навика да се занимава со некои неважни ситуации, а да заборави на важните. Но, нас вас останува да се изборите со тоа. Исто така, овој месец во фокусот ќе ви бидат патувањата во странство и учењето.
Мај: Мај ви носи измешани резултати, но и емоции. Научете да бидете трпеливи и да ги контролирате своите реакции.
Јуни: Средината на годината ви носи нови начини да се изразите и да отпочнете нови проекти. Ова е месец кој ви носи фокус и на домот и семејството. Ако сте во врска, можно е со партнерот да се договарате и за заеднички живот.
Јули: Полни сте со енергија, но и фокусирани на планови и акција за да ја канализирате својата енергија и да ја преточите во нешто конкретно. Фокусирајте се и на вашите интереси овој период.
Август: Во овој месец ќе успеете да ги соберете плодовите од напорната работа во текот на годината, но ќе најдете и време за своите блиски и сакани личности. Тие ќе ви бидат приоритет во текот на летото. Исто така, многу време ќе минувате и за релаксација и одмор.
Септември: Месецот не есента носи промена на енергијата и ви предлага да внесете некои промени во својот живот. Ова е период и кога можно е да дојде до унапредување или промена на работното место.
Октомври: Октомври е месец во кој вашиот труд и напорна работа ќе донесат неверојатни резултати. Но, другите луѓе можеби ќе ви бидат љубоморни. Вие нема да го забележувате тоа или пак ќе го игнорирате,со што ќе бидете фокусирани на домот и вредностите во семејството.
Ноември: Овој месец е поволен за Овните кои студираат, а за вработените носи дополнителна можност за заработувачка. Не ги пропуштајте можностите кои ви ги носи животот.
Декември: Ова е месец во кој вашата мотивација и ментална сила ќе дојдат до израз. Ќе се соочите со важни животни прашања и духовност.
