Ова е година на позитивни промени!
Колку блиску дојдовте до исполнување на своите цели во 2022 година, драги Овни?
Хороскопот за 2023 година ви носи важна улога во вашиот живот. Ако во 2022 бевте водени од емоциите, во текот на следната година ќе бидете водени од љубовта и кариерата.
Постојат големи шанси љубовта да влезе во вашиот живот во првиот дел од годината, додека пак успеси во кариерата ве очекуваат во вториот дел од 2023, со поддршка на Јупитер и Сатурн.
Хороскопот за 2023 година најавува поголема енергија и подобро расположение во текот на годината. Така, ќе добиете можност да остварите важни нешта во текот на годината. Дополнително ќе бидете мотивирани да се фокусирате на нови проекти и да ја подобрите својата финансиска сигурност. Но, ќе бидете склони и кон трошење, па затоа е важно да внимавате на што и колку трошите.
Ако добиете можност да патувате, изберете дестинација која одговара на вашиот карактер. Во 2023, Раху и Сатурн влијаат на вашата интелигенција и потсвест, па затоа ќе ви биде важен одморот и тоа највеќе на места кои ве опуштаат, без премногу луѓе околу вас.
Љубов
Пред Овните е голема и важна година на ова поле. Во новата година ве очекува растење и созревање, но и повеќе одговорности во вашите љубовни односи. Голем дел од контактите и односите ќе имаат среќен крај, освен ако не се одлучите да влезете во тајна или паралелна врска, која нема да ви донесе ништо добро, освен разочарување.
Венера ќе биде силна во вашиот знак. Таа ви носи бројни љубовни можности во 2023, особено во првиот дел од годината. Присуството на Раху и Јупитер во вашиот хороскоп е добар знак за оние Овни кои посакуваат да влезат во брак во првите три месеци. Вториот дел од годината ви носи повеќе зрелост во врската или бракот, но треба да бидете внимателни да не потпаднете под влијание на некоја трета личност од страна.
Хороскопот најавува и тенденција да бидете доминантни во врската. Но, ако сте со личност која е слична на вас, можни се големи конфликти. Заедничкото разбирање и волја се клучни за да избегнете големи кризи на ова поле.
Месецот февруари носи компликации и неверства, па затоа потрудете се да останете посветени.
Ако сте слободни, доаѓаат добри вести за вас. Вториот дел од годината ви носи средба со сродната душа. Поради влијанието на Сатурн, можно е да најдете љубов меѓу пријателите, а за некои Овни можно е да добиете и понуда за брак. Ако имате чувства за некого кои ги криете, би било добро да бидете јасни како се чувствувате. Ако некој навистина ви се допаѓа и гледате иднина со него, не ги кријте своите чувства. Пролетниот период е најдобар за заљубување и пеперутки во стомакот. Но, летниот период би можел да донесе бурни емотивни реакции кои ќе им паднат тешко на другите, па затоа комуникацијата би можела брзо да е олади.
Финансии
Оваа година ве повикува да не трошите на работи кои не ви се потребни. Од почетокот на годината, Сатурн ви носи големо влијание на овој сектор, а тоа носи и непредвидени трошоци во вториот дел. Кон крајот на годината, трошоците ќе бидат насочени кон здравјето, додека пак релаксацијата ќе ви биде важна во првиот и последниот квартал од 2023.
На почетокот на годината постојат шанси да си повратите пари кои сте им ги позајмиле на пријателите и семејството. Вам ви е тешко да им кажете не на другите, но во некои случаи ќе морате да ги одбиете другите, особено ако чувствувате дека станува збор за долг кој можеби нема да ви го вратат.
Освен тоа, позитивното влијание на Јупитер во првиот дел од годината ќе ви донесе соработка која ќе ви се исплати. Но, бидете внимателни со влијанието на Венера која може да ве инспирира да трошите на забави, патувања и славења. За време на мај, септември и октомври ќе размислувате за тоа како трошите и ќе се обидете тоа да го промените на долгорочна перспектива. Во јули и август ќе имате минимални трошоци, а највеќе ќе трошите на семејството и работите кои ве прават среќни. Избегнувајте големи инвестиции во текот на октомври кога би можеле да бидете подложни на носење погрешни одлуки. Трошоците ќе се зголемат повторно за време на ноември и декември, па затоа бидете внимателни.
Кариера
Годината која доаѓа ќе биде успешна на ова поле за Овните, особено во првиот квартал. Движењето на Јупитер во овој сектор ќе ви помогне да ги исполните своите професионални соништа и да го добиете она што го сакате. За среќа, нема воопшто да се соочувате со мрзеливост и негативни мисли. Ако размислувате за нов бизнис во новата година, јануари, март, април и ноември се совршени месеци за тоа. Најдобриот избор се имотите, преработка и производство на храна, метали и дрво.
Освен тоа, на ова поле, позитивното движење на Јупитер во мај ви носи убави и позитивни моменти кога ќе забележите значаен развој во кариерата и ќе успеете да ги остварите своите работни цели. Тоа ќе ви ја подобри вашата самодоверба и ќе ве направи задоволни.
Вашиот професионален живот ќе цвета во септември, но на сметка на вашиот личен живот. Не заборавајте на своите блиски и сакани, бидејќи лесно би можеле да дојдете до конфликти. Покажете трпение, но и дека сте тука за нив.
Подоцна во годината, Раху и Сатурн ќе влијаат на вашата рутина и среќата. Ве очекува и добивка, но и нови можности. Сепак, доколку барате нова работа, имајте на ум дека април е најдобар месец за тоа.
За студентите, следната година бара да се посветат на распоред кој ќе им помогне да ги остварат своите цели. Ќе успеете да работите напорно и полека да стигнете до успехот кој го посакувате. Ако сте во последните месеци од студиите, можно е да најдете пракса или работа поврзана со државна администрација.
Оваа година е одлична и за оние кои се занимаваат со недвижности. Со поддршката на Марс ќе дојдете до неочекувана добивка и можности за инвестирање кои ќе ви донесат голем успех. Иако ова е многу успешен период за вас, не влегувајте слепо во нови инвестиции, особено ако сте нови на ова поле.
Здравје
Здравјето ќе ви биде во главен фокус во текот на оваа година. Но, Сатурн може да донесе мали проблеми, што ќе ги зголемат вашите трошоци на ова поле. Потрудете се да земате витамини, да се храните здраво и да минувате време во природа.
Вие сте работници кои работат многу напорно, но важно е да не дозволувате стресот да влијае на вашиот живот. Ќе треба да внимавате и на тоа како стресот влијае на вашите односи со другите.
Вториот дел од годината носи намалена енергија. Потрудете се да се занимавате со активности кои ви помагаат и хранете се здраво што ќе ви донесе повеќе енергија. Ако сакате да ја намалите телесната тежина, потрудете се да го избегнувате шеќерот, а јадете повеќе свежо овошје.
Хороскоп по месеци
Јануари: Оваа година ја почнувате со благословот од Јупитер кој ќе ви донесе многу поволности. Почетокот на годината е поволен за почеток на нов проект или проширување на вашето работење. Ако ви е потребна помош, обратете им се на најблиските и претставете им ги своите идеи и планови.
Февруари: Космиската енергија е силна во текот на овој месец, а Јупитер продолжува да ви носи позитивна клима. Се чувствувате дека сè е под контрола, а она што претходно ви било сложено сега станува едноставно. Имате поинаква перспектива, но и нови луѓе во вашиот живот. Вашите проекти имаат голем потенцијал да ја добијат поддршката која е неопходна за да дојдете до успех. Но, во овој период неопходно е да размислувате два пати пред да кажете нешто.
Март: Длабоко сте посветени на своите активности и идеи. Го сакате она што го работите и тоа ви носи дополнителна мотивација. Се наметнувате и како лидер во вашата работа, а на другите им се допаѓа вашата харизма. Пробајте да бидете тука за пријателите и да им понудите поддршка ако тоа им е потребно.
Април: Јупитер ви носи личен и материјален напредок, а вашата креативна моќ и самодоверба се на високо ниво. Потрудете се да најдете компромис меѓу вашите обврски. Пред да почнете, разгледајте ги своите сметки и дајте сèод себе да бидете економични.
Мај: Веќе неколку месеци ја имате поддршката од Јупитер. Тој ви носи многу можности, но и подобрувања во вашата дневна рутина. Ова е месец во кој треба да ги искористите своите ресурси за да го постигнете успехот кој го посакувате. Одвојте време да ги разгледате можностите кои ви доаѓаат и бидете храбри.
Јуни: Искористете ги можностите кои ви беа понудени од Јупитер. Ова е месец кога можете да целите високо. Вашиот вроден авторитет ве прави лидери меѓу колегите, а вашите шефови го забележуваат тоа. Но, доаѓаат обврски кои можеби не сте ги очекувале. Посветете внимание на својот изглед, бидејќи вашата харизма привлекува многу интересни личности околу вас. Љубовта цвета, а за оние кои се сами, овој месец носи убава средба.
Јули: Во текот на јули ќе бидете одлучни да мислите на себе. Ви доаѓаат и одлични можности за забава. Енергијата на космосот ви помага и да оживеете некои пријателства на кои сте заборавиле. Во однос на професионалниот живот, важно е да не седите на две столици.
Август: Овој месец ви носи можност за успех, но тој нема да дојде преку ноќ. Ќе морате прво да се соочите со својата импулсивност и нетрпеливост. Време е да одлучите што точно сакате. Ако влегувате во конфликти, потрудете се да ја разберете и другата страна.
Септември: Овој месец ќе треба да донесете важни одлуки низ различни ситуации. Пробајте да не ги покажувате емоциите на работното место. Ситуацијата се подобрува и станувате пооптимистични. Смирете го својот жар во себе, бидејќи во одредени моменти одите предалеку, а тоа ги навредува другите.
Октомври: Доаѓа позитивен бран на емоции, но ќе се чувствувате како да правите чекор напред, а два назад. Но, тоа е само ваша перцепција. Некои работи се непходни да се направат, а вие сметате дека тоа е губење време. Вашиот успех зависи од вашата способност да ги слушнете желбите на другите.
Ноември: Ситуациите не се претерано во ваша корист, но вие останувате посветени и давате сè од себе. Овој месец ѕвездите не ви најавуваат големи промени. Избегнувајте ги конфликтите и бидете вешти преговарачи и дипломати. Не давајте совети кои другите не ги бараат од вас.
Декември: Овој месец ви носи среќа и оптимизам. Сигурни сте во себе, а тоа ви носи можност да остварите што и да посакате. Ако некој ви даде критика, не го сфаќајте тоа негативно, особено ако доаѓа од личност со долго искуство.
Успехот и победите ви даваат крила и тоа ве турка подалеку кон успехот.
