Девица

Девица (23. VIII – 22. IX)

Зборувајте од срце, драги Девици. Во вторник, Меркур влегува во Јарец во вашата зона на храброста и ве инспирира да ја покажете својата ранливост. Полната Месечина во среда ви носи голема трансформација на полето на кариерата. Во петок, Венера влегува во Јарец и ве поврзува со луѓе кои прават да се чувствувате самоуверено и среќно.

Работа

Вашата креативност е голема што може да донесе голема ангажираност на работното место. Важно е голем дел до разговорите да се случат во четири очи, но не се оптоварувајте се со тоа што другите го мислат за вас. Некои Девици размислуваат за нова работа која може да им донесе дополнителни приходи. Би требало да сте подготвени за пријатни изненадувања особено кон средината на неделата. Многу Девици ги очекува целосно заслужена финансиска добивка.

Љубов

Девиците кои се во врска се грижат за својот влог во врската. Сакате да го добиете истото назад, но имајте на ум дека секој од нас сака различно. Ослободете се од потребата за споредба и желбата да ја контролирате секоја ситуација.

Слободните Девици го ставаат љубовниот живот во прв план и посакуваат да ја сретнат вистинската личност за себе. Ќе имате можност за нови познанства, но и нова љубовна врска. Популарни сте, прифатете ги повиците од оние кои ви се допаѓаат. 

Здравје   

Внимавајте на стомакот, јадете полесна храна.   

Декември е важен месец на полето на љубовта, драги Девици! 

Работа

Декември е месец кој ќе ве поттикне да ја намалите тензијата на ова поле. Забрзани сте, но и вашиот ум е на сите страни, па затоа и се чувствувате притиснато, но самите креирате некои ситуации, без некој да го бара тоа од вас. За среќа, излезот постои и многу лесно ќе дојдете до него. Не ги слушајте премногу другите, туку потпрете се на себеси и својата интуиција. 

Ова е период кој е поволен за преговори, договори и кратки патувања. Потрудете се да бидете рационални и не си дозволувајте да носите брзи и нагли одлуки, особено кога сте лути. Важно е да бидете смирени и промислени.

На почетокот на месецот, Венера во Стрелец прави опозиција со ретроградниот Марс во вашата десетта куќа на кариерата и ви носи мали потешкотии во изнаоѓањето баланс меѓу личните и професионалните обврски. Со полната Месечина на 7 декември,ќе бидете принудени да направите избор и да го посветите своето внимание на она што ви најважно.

Кога Јупитер ќе влезе во вашата осма куќа на трансформација на 20 декември, ќе имате потреба да држите дистанца од некои колеги и да чувате повеќе од вашите планови во тајност. Не им дозволувајте на другите да ви се приближат пред да ја заслужат вашата доверба, тоа навистина е најдобрата стратегија овој период. 

Младата Месечина во Јарец на 23 декември ќе ве поттикне да ги запишете своите планови на лист хартија, но и да се навратите на некои ваши хобија кои ве прават среќни. Но, бидете внимателни бидејќи на 29 декември, ретроградниот Меркур ви носи креативен блок, а можни се и конфликти со колегите. 

Љубов

На ова поле, Девиците се чувствуваат малку несигурно, без оглед на нивниот статус. Тоа е нешто што ве кочи на патот кон среќата. Односот со другите луѓе може да биде многу подобар само ако верувате во себе и се цените себеси. 

Ако сте во врска, вашиот пристап ќе придонесе кон создавање вистинска атмосфера и комуникација со саканата личност, особено ако се соочите со мали проблеми. Кризите се она што често ве зближува, па тоа ќе биде така и овој месец. Вашата поврзаност и можност да се смеете низ падовите во врската, може да го надмине секој проблем.

Слободните Девици би можеле да сретнат една посебна личност, особено ако сте поврзани со креативни активности. Ѕвездите ве советуваат да излегувате почесто, а коцкичките сами ќе се наместат за вас, овој месец. 

На 6 декември, Меркур влегува во Јарец во вашата петта куќа на задоволства што ќе биде причина за славење на ова поле. Без оглед на тоа дали сте во врска или не, ова е одличен момент да се поврзете со друга личност. Ден потоа, на 7 декември, полната Месечина во Близнаци ви носи можност да се поврзете со пријателите и да запомните дека љубовта не е секогаш романтична. 

На 9 декември, планетата на љубовта Венера се спојува со Меркур во Јарец и ви носи романса и убави мали нешта. Ова е период кога ќе уживате во љубовта и ќе им дадете можност на луѓето да бидат блиску до вас. Ако сте слободни и во потрага по љубов, овој датум е одличен за почеток на врска.

Сезоната на Јарците почнува на 21 декември и носи страст и оган во вашиот љубовен живот. Овој период ќе биде интензивен и исполнет со страст, па не се изненадувајте ако брзо се вљубите во некого. 

На 23 декември ни доаѓа младата Месечина во Јарец која ве поттикнува да откриете нови авении во љубовта. Ова е период кој е добар и за грижа за себеси, па така допуштете си масажа или некој ритуал за разубавување. 

За жал, годината ја завршуваме со ретроградниот Меркур на 29 декември кој носи недоразбирања, доцнења и конфликти. Грижете се за себе и не ги сфаќајте работите лично. Тоа е нашиот совет за крајот на годината. 

Здравје 

Ве очекува период во кој ќе се чувствувате добро. 

Иако не сте личност која сака постојано да биде во центарот на вниманието, 2022 година ви носи можност да бидете почитувани и опсипувани со внимание од колегите и пријателите.

Ќе имате неочекувана желба да минувате време со другите и да учествувате во разни активности и забави. Ќе им давате поддршка на оние кои ви значат, но не треба да заборавате на себеси. Оваа година ќе биде особено добра за вашето здравје и добростојба бидејќи ќе се чувствувате расположени и со постојан наплив на позитивна енергија. Ако чувствувате некои мали проблеми, тие ќе бидат лесно решливи. 

Првиот квартал од годината ќе биде нормален бидејќи имате голема поддршка од планетитите, а последниот квартал ви носи ослободување од сето она што не ви носи добро во животот и ви доаѓа полесна енергија. Во текот на зимските месеци ве очекуваат средби со луѓето кои ви значат, но и интересни нови познанства и ситуации. 

Јупитер ви носи среќа во вашата кариера, а ваквото влијание се јавува еднаш во дванаесет години, па затоа 2022 година носи неверојатни можности за успех и напредок. Првата од нив ќе дојде во јули, но бидете аналитични и разумни. Не се доведувајте во ситуација се докажувате некому бидејќи вие точно знаете колку вредите, а поддршката од Јупитер дополнително ќе ви го покаже тоа.

Сатурн може да ве фокусира да штедите повеќе, да не трошите без потреба и да не влегувате во долгови. Неговата порака е да бидете во баланс и да не си дозволувате стрес поврзан со финансиите. Сатурн исто така ве поттикнува да испитате што највеќе цените во својот живот и да се посветите на приоритетите. Расчистете со сето она што не ви е потребно.

Уран е планета на неочекуваното, која сепак може да ви донесе некои неочекувани трошоци особено поврзани со децата, ако ги имате. Исто така, ова е планета која ве потсетува да не вложувате во ризични работи и активности. Постои можност за наследство оваа година под влијание на Уран и тоа ќе ве направи особено среќни. 

Нептун е планета на илузиите која ни носи важни лекции за луѓето во нашиот живот. Преку неа учиме важни лекции и успеваме да ги исполниме своите идеали и цели во животот.

Плутон ве поттикнува да се поврзете со креативноста, а тоа може да биде и реновирање и средување на домот, ново хоби па и дополнителна заработувачка преку некои активности. 

Работа

Голем дел од родените во овој знак во 2022 година ќе бидат фокусирани на промени на работното место или пак дури и нов сектор. Ова ќе биде особено интензивно на средината на годината, меѓу април и септември кога ќе имате понуда за ново работно место со подобри можности. Март носи особен успех за Девиците кои се занимаваат со комуникации и медиуми. Периодот меѓу март и април ќе биде успешен за Девиците трговци. 

Најповолни месеци за кариерата ќе бидат јануари, февруари, мај и септември. Пролетта е одлична за финансиски прилики кои не смеете да ги пропуштите, а можна е и добивка од наследство. 

Вториот дел од годината ќе биде особено активен на ова поле за вас. Ќе бидете методични и практични и ќе работите на градење цврст распоред, но и навики и рутини кои ќе ви помогнат да бидете успешни на работното место. 

По ноември, важно е да работите повеќе сами одошто во тим и да не им верувате премногу на луѓето кои многу ветуваат, а не прават ништо. 

На полето на финансиите не ве очекуваат проблеми, но треба да внимавате да трошите во рамки на своите можности. Потрудете се да изградите навика да штедите, бидејќи тоа ќе ви помогне да се чувствувате подобро и посигурно. 

Генерално гледано, ова е година во која ќе се ослободите од некои стари бариери и граници кои досега ве спречуваа на патот до успехот. Споделете ги своите идеи само со најблиските и посветете се на можностите кои ви се нудат. Имајте силна верба во себе бидејќи имате голема поддршка од планетите. 

Љубов

Во текот на првите месеци во годината, љубовниот аспект од вашиот живот ќе биде мирен и балансиран. Јануари и февруари се особено поволни за љубов, а во текот на остатокот на годината многу работи ќе зависат од вашиот напор и посветеност. 

На лето саканата личност ќе бара повеќе време и внимание од вас, а вие ќе бидете фокусирани на вашите кариерни планови. Пробајте да разговарате отворено за своите потреби, но и да бидете искрени за да изегнете несогласувања. Крајот на летото ви носи опуштање и квалитетно поминато време со саканата личност. Тогаш е време за позитивни емоции.

Некои Девици ќе ја имаат шансата да ја сретнат својата сродна душа оваа година. Работите ќе се одвиваат бавно, но тоа ќе ви годи бидејќи нема да сакате никаде да брзате. Романтичните страсти и взаемната привлечност ќе бидат очигледни и убаво ќе се чувствувате. Есента ви носи и почеток на заеднички живот, ако навистина ви значи таа личност.

Некои претставници на овој знак ќе се соочат со дилеми во однос на својот партнер и ќе сакаат да пробаат нешто ново, па можни се несогласувања и недостаток на хармонија, па и тајни врски кои нема да ви донесат ништо добро. Некои импулсивни одлуки и активности можат скапо да ве чинат. 

Ако на саканата личност и е потребен простор, дајте и го и не го наметнувајте своето мислење секаде и секогаш. 

Знаци со кои ќе се сложувате во текот на 2022 година се Девиците, Јарците, Биковите и Раковите.

Здравје

Оваа година ќе бидете многу фокусирани на своето здравје и постојано ќе одите на редовни прегледи со цел да се одржите здрави и во добро расположение. Планетите ја зголемуваат вашата храброст, носејќи ви енергија и жилавост, а некои Девици ќе пробаат нови спортови и рекреативни активности кои ќе им помогнат да бидат поздрави. Оние кои ќе посакаат да држат диета, оваа година ќе успеат во тоа.

Ако на моменти се чувствувате омалаксано или депресивно, одете на масажа и поминете време сами, полнејќи ги своите батерии. Не ги игнорирајте ваквите моменти и посветете си значајно внимание на зачувување на менталното здравје. 

Можна е мала чувствителност поврзана со варењето и црниот дроб, па затоа важно е да се храните здраво, но и да одите на редовни прегледи. Следете го и холестеролот, а киселините во желудникот решете ги со соодветна исхрана и суплементи, а и лекови ако тоа е неопходно.

На пролет ќе биде важно да обрнете внимание на подобрување на имунолошкиот систем па потрудете се да минувате време во природа. Важно е често да сте надвор, на свеж воздух и  на сонце и да не залежувате долго дома во затворен простор. Најдобар период за опоравување на телото е летото. 

Хороскоп по месеци

Јануари -  ова е месец кога ќе бидете во хаос и во постојано брзање на сите страни. Пробајте да приоритизирате што е важно за да не си дозволите преголем стрес кој не ви е потребен во првиот месец од годината. 

Февруари – можеби ќе пробате да се пронајдете себеси во нови области, но добро испланирајте го тоа. Ќе бидете активни во комуникацијата со другите за размена на интересни информации, но и учење нови нешта.

Март – ќе почувствувате налет на позитивна енергија и ќе земете залет за исполнување на некои ваши цели. Овој месец ви носи и важни настани, па затоа клучна е комуникацијата и отвореноста. Некои Девици ќе донесат важни одлуки.

Април – ќе бидете фокусирани на градење нови планови. Освен усовршувањето, ќе сакате да правите нешто ново, но и да се дружите со оние кои ви се најважни во животот. 

Јуни – ова е важен период кога ќе ја интензивирате комуникацијата со некој кој ви се допаѓа. Искористите ги соништата за остварување на големи цели, но и заеднички цели ако веќе сте во среќна врска. Некои одлуки поврзани со домот се пред вас.  

Јули – Ќе бидете активни и мудри и со голем интелектуален потенцијал. Анализирајте ги односите со надредените, но и тоа како работата ви влијае на професионално, но и лично ниво.

Август -  емоциите се интензивни во текот на овој месец, а оние кои се сами би можеле да пронајдат вистинска љубов. Ќе бидете инспирирани од луѓето околу вас.

Септември – добро внимавајте да не верувате секому и прегледувајте сè што потпишувате и што зависи од вас. Ова е месец кој може да ви донесе разочарување ако не сте внимателни.

Октомври – Преиспитајте го односот со околината и така ќе надминете застој во работите кои ви се важни. Ако имате слободно време, искористете го за максимално опуштање и одмор. одете на кратко патување ако имате можност за тоа. 

Ноември – можна е напнатост и слаби нерви. Ова е месец кога ќе треба многу да го чувате своето здравје и да си бидете себеси приоритет. Направете го она што сметате дека е најдобро за вас.

Декември – ова е период кога треба да бидете внимателни во однос на вашиот буџет. Не позајмувајте пари од другите и не трошете премногу. Главниот фокус нека биде на финансиите.