Шкорпија

Шкорпија (23. X – 21. XI)

Почнете од почеток, драги Шкорпии. Лунарната еклипса во понеделник која доаѓа во вашиот знак ви помага да дојдете до значајна трансформација. Тоа ви дава сила и да работите на себеси, но и да ги подобрите односите со другите. Сезоната на Близнаците почнува во петок и ве инспирира да бидете љубопитни и да комуницирате подобро на полето на сексот и интимноста.

Работа

Присутна е тензија на работното место, но доаѓа помош од колегите или блиска личност кои ќе ви помогнат да се ослободите од некои препреки. Потребно е само да бидете внимателни во трошењето и да не експериментирате оваа недела, туку да се држите до некои начини за кои сте сигурни дека функционираат. 

Љубов

Шкорпиите кои се во врска оваа недела ќе го подобрат односот со саканата личност и ќе заборават на проблемите. Но, бидете внимателни, не навлегувајте во ситуации кои ќе ви донесат искушенија за тајни врски.

Слободните Шкорпии лесно ќе се поврзуваат со другите и ќе ги исполнуваат своите емоционални потреби, но можно е поврзување со личност која живее во друга држава. 

Здравје

Чувајте се од повреди и падови. Можен е и пад на енергијата.

Мај е месец кој ви ја носи храброста која ви е потребна.

Работа

На 2 мај, Венера влегува во амбициозниот Овен и ви нуди можност да отпочнете нешто ново на полето на услугите. Најголем успех ќе имаат Шкорпиите кои работат на полето на услугите. 

На 4 мај, Јупитер прави секстил со Плутон и ви носи можност да постигнете добар договор со своите соработници во областите поврзани со дизајн, програмирање, дистрибуција и имплементција. Ова би можело да ви донесе и зголемена заработка. Марс прави секстил со Уран и ви носи неочекувани можности вашите креативни идеи да ги претставите во јавноста. Ова е особено значајно ако се занимавате со дизајн, програмирање и информациски технологии. 

На 10 мај, Меркур почнува да се движи ретроградно што може да донесе до застој во платниот проблем, поради што ќе треба да бидете потрпеливи. Бидете внимателни и во комуникацијата со своите колеги, но и службените патувања, бидејќи можни се доцнења. Јупитер на 10 мај влегува во Овен што ќе ви донесе и одлична соработка на полето на услугите. 

На 15 мај, Сонцето прави квадрат со Сатурн што може да доведе до мали несогласувања околу една работа или проект на кој работите со повеќе луѓе. Пробајте да дојдете до еден усогласен став за да ги избегнете штетите и загубите. Ден потоа, на 16 мај со целосното помрачување на Месечината, може да дојде до прекинување на некои планови и пад на вашиот авторитет и неможност да ги остварите своите планови. 

Со влегувањето на Сонцето во Близнаци на 21 мај, ќе успеете да ја подобрите својата финансиска ситуација и да остварите добивка. Ова особено се однесува на Шкорпиите кои работат на полето на услугите.

Љубов

На 2 мај со влегувањето на Венера во Овен, вашите љубовни грижи се намалуваат без оглед на статусот и се фокусирате на сопствената слика и трансформација. Ќе посакате да направите нешто за себе што ќе ви ја зголеми самодовербата и ќе направи да се чувствувате подобро. 

На 10 мај кога Меркур во Близнаци почнува да се движи ретроградно, не ги сфаќајте работите лично. Ако симпатијата не ви врати на порака или пак саканата личност каже нешто што ве погодува, пробајте да реагирате смирено и да не си правите драма во однос на тоа. За време на овој транзит, ништо не е лично. 

Ако сте во врска, секстилот на Марс со Уран во првата декада од мај ви носи нови моменти во односот со саканата личност и повеќе заеднички активности во кои ќе уживате. Конјункцијата на Сонцето со Уран дополнително ќе ви донесе нови идеи за тоа како можете да ја подобрите својата врска. На 10 мај кога Јупитер влегува во Овен, ќе се фокусирате на интимноста и страста во врската. Но, ако сте заглавени во токсична врска, ова е период кога ќе имате храброст да си заминете и да погледнете напред. 

Секстилот на Венера со Сатурн во втората половина од мај ќе ви донесе стабилност во врската и остварување на заедничките цели. Ќе имате стабилност и во семејните односи. Венера влегува во Бик на 28 мај во вашиот сектор на љубовта, што ќе ви овозможи лесно да ги изразувате своите чувства и да уживате во топлината на врската.

Ако сте слободни, секстилот на Марс со Уран на почетокот на мај ви носи познанство со личност која е оригинална и интересна, но и многу шармантна. Тоа е некој кој е полн со позитивна енергија и кој ќе ја разбуди страста во вас. Втората половина од месецот може да ви донесе почеток на врска со таа личност, но треба да знаете дека ве очекуваат предизвици. 

Здравје

Со влегувањето на Венера во Овен можно е да се соочите со пад на имунитетот и главоболки, но ѕвездите ве советуваат да избегнувате претерувања и да поминувате повеќе време во природа.

Во текот на целата година ќе имате позитивна енергија која ќе ви помогне да го постигнете она што го посакувате.

Целата година ќе ви донесе многу промени и подароци, но 2022 би можела да донесе мал стрес кога станува збор за кариерата. Поради влијанието на Сатурн, ќе морате напорно да работите за да имате корист од Сатурн. Можно е на моменти да бидете мрзеливи и незаинтересирани, но во тој случај потсетете се на своето време и фокусирајте се на целите кои сакате да ги постигнете. Ќе бидете добро платени, но во исто време ќе имате и зголемени трошоци, затоа и ќе треба да научите да заштедите пари и правилно да ги вложувате. Генерално, целата година носи силен просперитет и ако дојде до мали потешкотии, не треба да мислите дека тоа ќе трае вечно. 

За Шкорпиите кои се во брак, оваа година ќе донесе тешкотии во брачниот живот. Можно е да влегувате во конфликт што негативно ќе се одрази на вашето ментално здравје. Затоа, научете да ги изберете своите битки и чувајте се еден со друг. По 11 март, слободните претставници на овој знак ги очекуваат романтични врски и убави односи. Од многу Шкорпии ќе се бара да донесат одлука меѓу минатото и сегашноста, а тоа ќе биде особено изразено во текот на јуни. Верувајте им на своето срце и интуиција, бидејќи тие не ве лажат. 

Ќе бидете посветени на меѓучовечките односи, но ќе бидете водени од сопствените вредности и принципи и вие ќе ги водите правилата на игра. Сепак, тоа нема да биде прифатено од сите луѓе околу вас, па затоа бидете внимателни. Дисциплината и самоконтролата се важни во текот на целата година. 

Во зимските месеци, можно е да дојде до ниско ниво на енергија, замор па и досада. Тоа ќе ве прави вознемирени и ќе имате потреба да се оддалечите од другите. Машките претставници на овој знак во текот на зимата ќе чувствуваат итна потреба да се ослободите од влијанието на другите луѓе. Но, за да постигнете независност ќе треба да ги прекинете односите со оние чие мислење има негативно влијание на различни полиња на вашиот живот. Ова може да донесе до тешки чувства. Жените Шкорпии во текот на зимата нема да имаат лесен период. Ќе се соочите со замор од секојдневните грижи и одговорности, што може да донесе до огорченост и разочарување. Сепак,  пролетта носи одлично здравје, добро расположение а со тоа и одличен работен капацитет.

Есента ќе биде богата и успешна за паметење. 

Некои Шкорпии ќе бидат фокусирани на образованието во 2022 година и тоа ќе им помогне и да го подобрат односот во општеството. Имајте на ум дека за многу претставници на овој знак, 2022 би можела да биде судбоносна. 

Ако имате нарушени односи со саканата личност, вториот дел од годината ќе ви донесе можност да ги поправите односите. Ќе ја обновите комуникацијата, ќе дојдете до важни информации и ќе ја сфатите причината за таквиот конфликт. Иако ќе ви биде тешко, можно е да признаете некои свои грешки и тоа да ви помогне да продолжите напред. 

Во 2022 година, помрачувањата на Месечината носат големо значење и лекции во вашиот живот. Првата од нив доаѓа во јануари и носи емоционална можност, но и романса. Следната еклипса во јуни ве носи на патување меѓу знаењето и разбирањето, а во игра може да донесе и некоја егзотична можност. Последното помрачување се случува во вашиот знак во ноември и ви носи неверојатни нови почетоци. Обрнете внимание на своите желби, потреби и вистини, но и како тоа може да ви донесе радост.

Оваа година ви носи романтичен напредок, но и поддршка од вашите долгогодишни пријатели. Тие ќе бидат тука за да ви помогнат да ги подобрите своите навики, да го поедноставите животот и да бидете подобри кон себеси. Ќе имате можност и да се смирите со некои ривали и да се спријателите со нови интересни луѓе. 

Нашиот совет е да не дозволувате лажните пријатели да ве исцрпуваат и да им давате поддршка без да го возвратат тоа. Време е вашите идеи да ги пренесете во реалноста и да бидете горди на себеси за тоа што ќе го постигнете. Тоа ќе ви помогне и да ги надминете грешките од изминатиот период, а односите со другите да ги градите на основа на толеранција. Не рушете мостови со вашето арогантно однесување. 

Работа

Ова е година која ќе ве научи дека за да успеете понекогаш треба да се потпрете на другите. Но, исто така треба да го прифатите фактот и дека вие им требате на другите луѓе околу вас. Тоа е дел од меѓучовечките односи на кој треба да работите интензивно во сите области, а особено на полето на кариерата. Сатурн можеби ќе ве стави на тест во текот на целата година и да наидувате на тешкотии тогаш кога не го очекувате тоа, но овие искуства ќе ви покажат колку сте способни. Ако некоја стратегија не функционира онака како што вие би сакале, применете нешто ново и бидете професионални онака како што вие најдобро умеете. 

На почетокот на годината нема да успеете да дојдете до израз поради заморот кој ќе го чувствувате и кој ќе биде насобран од последните месеци од 2021 година. Некои Шкорпии ќе посакаат да избегаат од одговорност и нема да прифаќаат ништо повеќе од она што можат да го сработат во тој период. Тоа може да влијае на вашите односи во тимот, но вие ќе држите до себе и тоа е во ред, но потрудете се да не влегувате во конфликти во кои ќе се докажувате дека вие сте во право. Ако дојде до незадоволство и коментари од страна на надредените, пробајте да ја сфатите нивната перспектива и да не се расправате за нешто за што можеби не сте во право. Во февруари треба да бидете внимателни што зборувате и пред кого, бидејќи и ѕидовите имаат уши па и нешто што добронамерно сте го кажале, може да биде погрешно протолкувано. Веќе во март нема да можете да здивнете од работа, но и ќе ги оправдате очекувањата од своите надредени. Најуспешен период се деновите меѓу 21 март и 20 мај кога ќе се чувствувате како да сте на врвот и ќе ги заслужувате сите награди кои доаѓаат. 

Есента носи големи кариерни промени на Шкорпиите. Некои од нив ќе го променат работното место, а други ќе дојдат на лидерска позиција. Посебен успех ги очекува оние кои долго време планираат своја работа. Овие месеци носат и зголемени финансиски приливи и можност да бидете задоволни од тоа што го заработувате. 

Љубов

Кога станува збор за љубовта, Шкорпиите се кралеви и кралици на крајностите. Тие се способни интензивно да се поврзат со една личност, силно да сакаат, но и во една секунда да ве избришат од животот. Првите и последните месеци од годината ќе бидат во овој тон и ќе се прилично динамични за родените во овој знак. 

Совет за Шкорпиите е по секоја цена да избегнуваат одмазда, зло и опсесивни мисли во текот на 2022. Важно е да сте сакани, но не можете никако да го натерате да ве сака и немојте да мислите дека е паметно другите да страдаат само поради тоа што не размислуваат како вас. Ако сте во врска која ќе стане малку драматична, дајте си себеси простор за размислување и дишење, наместо да кажете или да направите нешто за што ќе се покаете. 

Романтичните врски кои се базирани на љубов и доверба имаат шанса да доживеат врв во текот на оваа година, но само ако двајцата партнери се насочени кон давање поддршка еден на друг. Важно е да имате јасна визија каде сте, каде се чувствувате, но и каде сакате да бидете заеднички по одредено време. 

Жените Шкорпии и натаму ќе важат за најмистериозните заводнички, а ќе бидат и длабоки и егзотични, зависно од нивното расположени. Во 2022 година, жената родена во овој знак ќе бара партнер кој е мирен како езерска вода и кој ќе и даде можност да биде главна во врската. Таа ќе сака и ќе биде предадена и лојална, но ќе сака да го има главниот збор. 

Мажот роден во овој знак нема да сака ништо помалку од совршенство покрај себе. Машките претставници на овој знак ќе сакаат убаво вино, ресторани, слатки и романтични патувања, но и еротски задоволства. 

Оние кои не се во врска ќе посакаат да бидат сами во голем дел од годината, но ѕвездите ги советуваат да им даваат шанса на луѓето, да не бараат секогаш совршеност и да се препуштат на задоволство без премногу очекувања и размислување. Надминете го стравот од тоа дека не можете никому да верувате и отворете го срцето за оние кои можеби вредат. Некои Шкорпии кои ќе бидат фокусирани на кариерата, а незаинтересирани за љубовта би можеле да најдат љубов баш на работното место. 

Одлични денови за тоа се деновите меѓу 5 март  20 мај, а најдобри месеци за брак се мај, август и ноември. 

Шкорпиите одлично ќе се сложуваат со нежните Ракови, поради тоа што и двата знаци се водени знаци со длабока емоционалност. Освен тоа, силна љубовна компатибилност постои и меѓу нив и Рибите и Лавовите.

Бидете нежни кон себеси, бидејќи сите грешиме и не се обвинувајте ако некој ве разочара. Во ред е да и бидете лути на таа личност, но не дозволувајте да влегувате во мрачни мисли и да се откажувате од љубовта.м

Здравје

Оваа година не носи многу промени на полето на здравјето, ниту пак алармантни вести, но носи промена во вашиот став и навики во однос на здравјето. Некои Шкорпии би можеле да имаат проблеми со кичмата, па затоа важни се масажите, прошетките и внимателна физичка активност. Исто така, ако во одредени периоди од годината се соочите со стресот, контролирајте ги своите нерви и испади пред другите и бидете внимателни како ќе реагирате дури и за најмалите ситници. За некои Шкорпии можно е да дојде до нарушено здравје, но само ако дозволат стресот да влијае на нивното здравје. 

Почетокот на годината носи алергиски реакции за некои родени во овој знак. Не го занемарувајте проблемот, туку посетете лекар и земајте соодветна терапија за да можете да функционирате добро. Пролетните месеци се најдобри на ова поле. Ќе се движите, ќе минувате време во природа и ќе бидете прилично активни. 

Целата година ви носи одлично расположение и високо ниво на енергија, па често ќе бидете многу ентузијастични. 

Хороскоп по месеци

Јануари – Не се опуштајте премногу во однос на трошењето, бидејќи ќе се соочите со повеќе трошоци од очекуваното. Овој месец е одличен за да се зближите со саканата личност и да се посветите на своите интереси и хобија.

Февруари – вториот месец од годината ќе биде успешен особено за оние Шкорпии кои се занимаваат со креативна работа. Во вашиот живот ќе бидат присутни успешни и влијателни луѓе, па искористете го тоа.

Март – избегнувајте комуникација со луѓе на кои не им верувате и несигурни проекти. Не носете нагли одлуки и двојно проверувајте ги документите кои треба да ги потпишете.

Април – ова е еден од најдобрите месеци во 2022 година за вас. Ќе напредувате на професионално поле, а тоа ќе ви донесе силна самодоверба. Можно е и интересно патување во странство.

Мај – немојте да бидете нагли во своите зборови и одлуки и бидете нежни кон саканата личност. Ова е месец во кој ќе се посветите на образованието, но и духовниот аспект од вашето живеење.

Јуни – во јуни ќе треба да усвоите поздрав начин на живот, да избегнувате пороци и да минувате повеќе време во природа. Не ги занемарувајте односите со саканите.

Јули – не позајмувајте и побарајте си ги парите назад од оние што ви должат. Овој месец е посветен на финансискиот баланс.

Август – одличен период за подобрување на односите со другите и споделување убави мигови. Некои Шкорпии ќе слават важни моменти во текот на август.

Септември – ова е месец за одлуки. Верувајте во себеси. 

Октомври – ве очекува успех, но не дозволувајте никако да бидете мрзеливи во текот на овој месец. Ова е и период за подобрување на односите со колегите и надредените.

Ноември – ова е ваш месец и ваша сезона. Имате силна енергија, добро расположение и блескате. Можен е почеток на романса за некои претставници.

Декември – ќе плените со својот шарм и енергија. Фокусирајте се само на она што е важно.