Контроверзни прашања од предметот Образование за животни вештини за средно образование се споделуваат денес на социјалните мрежи.
Прашањата се наоѓаат во работните листови за овој предмет, во делот „Индентитети“, и се однесуваат на хетеросексуалноста и нејзиното преиспитување.
Објавени се на страната за Бирото за образование, чиј потпис стои на наставниот материјал.
Прашањата наидоа на голем број реакции на социјалните мрежи.
Ги пренесуваме во целост:
1.Што сметате дека ја предизвика вашата хетеросексуалност?
2. Кога и како прв пат сфативте дека сте хетеросексуалец/ка?
3. Дали е можно вашата хетеросексуалност да е само фаза којашто ќе ја надминете?
4. Дали е можно вашата хетеросексуалност да потекнува од страв од истиот пол?
5. Доколку не сте имале сексуален однос со припадник на вашиот пол, дали е, сепак, можно да сте хомосексуалец/ка?
6. Ако хетеросексуалноста е нормална, тогаш зошто толку многу хетеросексуалци се лица со ментални нарушувања?
7. Зошто вие хетеросексуалците се обидувате да ги натерате сите да бидат со вашата сексуална ориентација?
8. Зошто мора насекаде да ја промовирате вашата хетеросексуалност? Нели може само да бидете она што сте без врева?
9. Најголемиот број лица што злоставуваат деца се хетеросексуалци. Дали сметате дека е безбедно вашето дете да го праќате на училиште каде повеќето наставници се хетеросексуалци?
10. И покрај целата општествена поддршка што се пружа на бракот како институција, стапката на разводи и понатаму расте. Зошто има толку малку стабилни релации меѓу хетеросексуалците?
11. Зошто хетеросексуалците се толку промискуитетни?
12. Дали би сакале вашето дете да биде хетеросексуалец/ка знаејќи ги проблемите со кои се соочуваат, како прељуби, болести, разводи?
„Макфакс“ испрати прашања до Министерството за образование дали уште се учи од оваа работна програма и зошто воопшто се поставени прашања што ја преиспитуваат хетеросексуалноста, од каде што очекуваме одговор.
