За овој рецепт ви се потребни само неколку состојки, за основната варијанта. Сепак, според вашиот вкус, секогаш можете да додадете сецкани ореви, бадеми, лешници, па дури и кандирано овошје за да добиете вистински деликатес.
Состојки:
50 гр мед
300 гр ‘ржано брашно
100 милилитри вода
Подготовка:
Растворете го медот во водата. Додајте го брашното. Потоа, месете ја смесата за кратко време. Додајте ги додатоците како јатки или суво овошје во овој момент и добро измешајте.
Со помош на лажичка, формирајте колачиња и ставете ги во тава обложена со хартија за печење. Печете на 200 Целзиусови степени околу 10-15 минути.