Владата на Република Северна Македонија донесе повеќе одлуки за именувања на раководни кадри на државни институции. Дел од нив се и Службата за општи и заеднички работи и Царинската управа. Првата институција ќе ја води Ивица Томовски, а втората Бобан Николовски.
Ивица Томовски – директор на Службата за општи и заеднички работи
Томовски има магистратура по менаџмент на човечки ресурси и долгогодишно професионално искуство во деловното работење, консалтинг услуги и менаџирање во приватниот сектор. Томовски е поранешен управител на ЕЛЕМ Турс и има стекнато обуки на повеќе интернационални школи за менаџмент на човечки ресурси.
Бобан Николовски – директор на Царинската управа
Николовски доаѓа од позицијата пратеник во македонското собрание и има 15 години работно искуство во Царинската управа, вклучувајќи и работа како директор на ЈП „Куманово план“. Тој има магистратура по бизнис и поседува десетици обуки и лиценци за царинско работење.
