Град Скопје и оваа година подготви интересни содржини во предновогодишниот период и за дочекот на Новата Година.
Во пресрет на Нова Година на 31. Декември, Градот организира богата програма. Точно на пладне (12 часот) за најмалите ќе има магично појавување на Дедо Мраз, а вечерта е предвидена одлична музичка содржина со македонска музика, многу познати песни и рефрени. Ќе настапат Каролина Гочева, Слаткаристика, Миле Кузмановски и Адријан Гаџа. Забавата ќе биде придружувана традиционално со новогодишниот огномет.
