Животот понекогаш навистина знае да биде напорен и тежок. Често сме соочени со тешки предизвици и проблеми и навистина е тешко да се справиме со сите удари на животот. Понекогаш потребни се неколку добри совети кои ако ништо друго ќе ни го олеснат патот до подобро утре. Черчил рекол: „Ако поминувате низ пекол, продолжете да се движите.“. Тоа е најважно да се запамети: Човек никогаш не смее да запре. Мора да продолжи да се движи. Тоа е основата на животот.
Бидете објективни
Низ што и да проаѓате, секогаш бидете објективни. Никогаш немојте целиот товар да го носите сами и да мислите дека вие сте виновни за се што се случува, ниту пак целата вина треба да ја префрлате на другите. Здраво е човек да се преиспита, но едноставно некогаш некои работи можеме самите да ги промениме, а некогаш не зависат од нас.
Запамтете дека секогаш има светло на крајот од тунелот
Се поминува. Да, навистина е клише, ама и навистина е точно. Колку и да е темно, на крај ќе излезете на светлина. Секогаш е најтемно пред да се зазори. И секогаш имајте на ум дека тоа е само лош ден, а не лош живот.
Имајте верба
Не е важно во што верувате. Без разлика дали е Бог, универзумот, карма, себеси или пријателите, мора да имате верба. Надежта и вербата дека ќе биде подобро се одличен катализатор за да се вратите на нозе.
Возвратете го ударот
Кога животот ќе ве удри, немојте немо да стоите и да го поднесувате тоа. Возвратете го ударот! Борете се! Вие сте главниот актер и протагонист во сопствената приказна и не смеете да дозволите да мислите поинаку!
