Познавате ли личност чии одговори и коментари се соодветни за секоја ситуација, дури и кога таа личност е под огромен стрес или притисок?
Тоа е веројатно личност со високо ниво на емоционална интелигенција, која се однесува на способноста на личноста да управува со сопствените емоции, но и на емоциите на луѓето околу неа. Емоционално интелигентните луѓе остануваат смирени и во најжестоките ситуации и поради тоа нивните зборови, но и односи со другите луѓе се мирни и ускладени.
Тие се свесни дека бурната реакција не носи ништо. Знаат дека само смирениот пристап може да донесе решение на секоја ситуација или проблем и тоа е нивната најмоќна алатка за решавање на проблемите.
Затоа, потрудете се да видите како реагирате на некои ситуации, и доколку тоа е пребурна или прежестока реакција, да се потрудите следниот пат да ја смирите. Ваквиот пристап е добар бидејќи ви помага да бидете посмирени, и да го зачувате своето здравје.
Не се расправајте кога некоја личност ќе ве навреди, туку тргнете се од неа и вдишете и издишете. Така, вашите емоции ќе се стишат и никогаш нема да се спуштите на нејзиното ниво. Потрудете се.
