Едноставните оброци се одлични кога сакате нешто брзо и вкусно. Многумина тогаш се одлучуваат за оброк салата, но и пржениот зеленчук е одличен избор. Можете да го послужите само со парче леб, но и со малку месо. Овој пат ви го предлагаме овој фантастичен рецепт за зеленчук кој содржи модар патлиџан, тиквички, пиперки, домати. Многу потсетува на беќерац или сатараш, а приготвувањето е навистина едноставно, па им одговара на сите.
Состојки: 1 голем модар патлиџан, 1 кромид, 1 пиперка, 3-4 чешниња лук, 1 голема тиквичка, 350 гр домати, 1 лажичка пиперка, 1 лажичка мелена пиперка, 1 лажица супа од зеленчук и малку свеж магдонос.
Модрите патлиџани исечете ги на прстени, а потоа испржете ги во тавче или наредете ги на плех обложен со хартија за печење и печете во рерна на 200°C околу 20 минути. Ако сте го испржиле модар патлиџан во тава, извадете го и додадете го сечканиот кромид. Кога ќе омекне, додадете сечкана пиперка и тиквички исечкани на прстени, како и доматите исечкани на коцки. Зачинете со сол и бибер, а потоа посипете со зачини и мелена пиперка, како и супа. Покријте и варете на средна топлина околу 15 минути. Потоа додадете ги модриот патлиџан и сечканиот магдонос, па варете го зеленчукот уште 10 минути покриен.
Видеото од рецептот погледнете го со клик ТУКА.
