24 милиони за километар железница е најверојатно новиот рекорд во светот, а го држи најкорумпираната влада на планетата која некогаш постоела, таа на СДС и ДУИ, говори најновиот извештај на ДЗР се вели во соопштението на ВМРО-ДПМНЕ
„Имено 560 милиони евра е целата проекција за 23.4 километри железница од Крива Паланка до границата со Бугарија, која треба да дислоцира стотина куќи и која завршува во тунел кој не води никаде. За цената по километар да стигне 24 милиони евра, се погрижила владата на СДС и ДУИ кои цената на проектот ја дигнале од 340 милиони евра на 560 милиони. Фрапантно и без одговорност се трошени народни пари и на автопатот Кичево – Охрид кој едвај е помрднат од состојбата во која е оставен од ВМРО-ДПМНЕ, а за кој финансиската конструкција е проширена за нови над 180 милиони евра. Пари се трошени, а резултат нема“, посочуваат во партиското соопштение
Од ВМРО-ДПМНЕ додаваат дека нема проект за кој СДС и ДУИ не додавале милиони, а истиот да е реализиран и притоа прашуваат каде оделе десетици и стотици милиони евра, и притоа упатија повик до ЈО да ги истражат овие наводи
