Различни витамински води кои се во продажба всушност се полни со скриени засладувачи кои само му прават штета на организмот. Но, добрата вест е дека ваква витаминска вода можете да подготвите дома и тоа само за неколку минути. Вашето тело и кожа ќе ви бидат благодарни.
Потребни состојки:
2 л вода
1 лажица изрендан ѓумбир
1 краставица (сецкана на кругчиња)
1 лимон
12 ливчиња нане
Начин на подготовка:
Подгответе ги сите состојки и ставете ги во еден бокал, во кој претходно имате ставено 2 л свежа вода. Оставете ја водата во фрижидер да отстои 8 часа. Пожелно е тоа да биде во текот на ноќта.
Состојките во оваа витаминска вода имаат одлично дејство на телото и кожата, а особено на стомакот бидејќи го поттикнуваат варењето и работата на метаболизмот.
Лимонт е одличен поради количеството витамин Ц кој го содржи и на тој начин ја поттикнува работата на црниот дроб, орган кој е одговорен за прочистување на организмот.
Краставицата содржи 90% вода и одлична е за детоксикација на телото и убава кожа.
Ѓумбирот помага во одржување на гликемискиот индекс под контрола, а воедно ги олеснува грчевите и помага против мачнини.
Нането го стимулира согорувањето на масни наслаги, помага во елиминација на токсините и ги смирува болките во стомакот.
Освен овие состојки, можете да користите и различни плодови и билки кои не содржат пестициди.
