Во Општина Кисела Вода започнува дводневна акција за собирање кабаст отпад. Камионите на ЈП “Комунална хигиена” во соработка со општина Кисела Вода, од утрово започнаа да ги собираат стариот мебел, душеци и друг волуменозен отпад сличен на овој, кој граѓаните го имале во својот дом.
Преку Секторот за месна самоуправа и соработка со НВО, акцијата се спроведува поодделно по урбани заедници според датумот и времето предвидено за одложување на отпадот.
Денеска се бидат опфатени жителите на урбаните заедници Цветан Димов, Бирарија, Црниче, Пржино и 11-ти Октомври – згради, додека утре 7,00 до 11,00 часот, кабастиот отпад пред своите домови, колективните згради на пошироките улици, ќе можат да го депонираат жителите на УЗ Кисела Вода, Расадник, 11-ти Октомври – бараки, Пинтија, Бобан Трпков-Драчево, село Драчево и Припор.
Општина Кисела Вода апелира до граѓаните отпадот уредно да го депонираат, како не би се загрозил сообраќајот за автомобилите и пешаците.
