Општина Битола на осум месеци пред дочекот на Новата година објави повик наменет за сите креативни граѓани, здруженија на граѓани и фирми, кои можат да креираат и да понудат идејно решение за новогодишно украсување на градот за Новата 2024 година.
Идејните решенија треба да се достават на електронската адреса на општината, најдоцна до 15 мај 2023 година, а најдобрите ќе бидат наградени парично, односно 180.000 денари за освоена прва награда, 80.000 денари за втора награда и 40.000 денари за трета награда.
Оваа одлука предизвика различни реакции кај граѓаните, а најголем дел од нив се зачудени зошто се распишува јавен повик на осум месеци до Нова година.
