Лабораториските анализи на крвта се важни за дијагнозата на пациентите, но само кога се точни. Имено, многу граѓани се жалат на работата на лабораториите, воглавно приватните, за издавање неточни резултати при контрола на крвта.
Еден граѓанин ни раскажа дека му се случило во текот на денот да направи анализа на крвта во две различни лаборатории и да добие различни резултати.
За да го истражат ова, новинарите на Алсат М направиле анализа на крвта. Новинарот Извадил крв за анализа во две многу блиски лаборатории. Крвта била земена во временска разлика од само неколку минути, но резултатите од лабораториите беа различни.
Почнувајќи од анализите на имунитетниот систем, ензимите, шеќерот и леукоцитите, сите имаа различни резултати. Лекарите кои го контактирале биле збунети и не знаеле на која крвна слика да се потпрат за да состават дијагноза.
Од Државниот здравствен инспекторат велат дека зависи во какви услови биле направени анализите, во кој временски период биле направени, какви реагенси користел лаборантот и со какви средства биле направени.
Поради тоа, директорката на Државниот здравствен инспекторат, Ирена Бухова, најавува зголемени контролите низ приватните лаборатории. Ако се најдат неправилности, правните лица ќе се соочат со парични казни, но и опасност од затворање на лабораторијата.
