Откако СВР Скопје, денеска излезе со соопштение дека вработен на Клиниката за кардиохирургија, со иницијали С.Ј. прво вербално нападнал медицинска сестра, а потоа физички го нападнал М.Ш. (директор на клиниката), се појавија низа на реакции и осуди на социјалните мрежи, а еден од нив беше и доктор Ненад Лазаров, кој често знае да проговори отворено на својот Фејсбук профил за секојдневно - актуелните теми во земјава.
Овојпат тој јавно побара одговорност од институциите, апелирајќи веднаш да реагираат и да стават стоп на ваквите физички пресметки поттикнати од „насилници“ во јавните институции.
-Цела кардиохирургија под стрес од професорот насилник што пред пациенти физички напаѓа колега физотерапевт па по ред сите останати, додека течат тешки операции на отворено срце! Па полиции цел ден во клиника што ни е перјаник на здравство заради е ЕДЕН ЧОВЕК. Веднаш да ги заштитите персоналот, тие се национално богатство, човекот очигледно не е при свест, мене искрено ми е неверојатно што слушам и е многу сериозен инцидент.
