Проблеми со спиењето -  вашето тело ви испраќа сигнали кои не треба да ги игнорирате

Дали често се соочувате со превртување и проблем да заспиете?

Постојат милион причини зошто е тоа така, но вашето тело ви испраќа сигнали кои не треба да ги игнорирате. 

Стрес

Ова е една од најчестите причини зошто луѓето не можат да заспијат навечер. Можеби чувствувате тахикардија или неможност да го смирите умот и што и да направите, не ви помага да заспиете. Ако знаете дека сте имале ден исполнет со стрес, една од најдобрите стратегии е да го поминете попладнето во обид да се релаксирате. Пробајте техники како пешачење, јога, медитација, боенки за возрасни или било која друга навика која може да ви помогне да го смирите умот. Не го игнорирајте ваквиот сигнал. Дополнително, земањето на магнезиум комбиниран со б6 пред спиење можат да ви помогнат во намалување на стресот пред спиење.

Гладни сте

Спротивно на популарното верување, ужинките пред спиење можат да ви помогнат да заспиете. Имајте на ум дека сепак на вашето тело му е потребна енергија за да функционира, а кога сме гладни, во текот на ноќта се лачи кортизол, кој го отежнува заспивањето. Сепак, заборавете на тешките оброци и јадете храна која е богата со магнезиум, како леблебија и другите семиња или темно чоколадо. 

Претопла просторија

Истражувањата покажуваат дека температурата од 16-20 степени и најдобра за лесно заспивање и добар сон во текот на ноќта. Претоплата просторија придонесува да се соочиме со проблем со заспивањето, но и во текот на ноќта. Според експертите, 18 степени целзиусови е најсоодветната температура за нашата спална соба.

Премногу врева

Без оглед на тоа дали спиете со партнер кој хрчи или имате соседи кои си легнуваат доцна и се премногу гласни, вревата има големо влијание во однос на тоа кога заспиваме и како спиеме.

Користите премногу технологија

Ако скролате на социјалните мрежи долго пред спиење или го заморувате умот со премногу уреди одеднаш, тој наместо да добие сигнал дека е време за спиење, се буди и така се нарушува нашиот  природен ритам за спиење. Сината светлина од уредите е поштетна одошто мислиме. Дури и со очила за заштита, препорачуваме да го оставите телефонот подалеку од вас барем еден час пред спиењето.

Размислувате премногу

Дали сте забележале како вашиот ум оди на милион места пред да заспиете? Иако ова е навика од која лесно не можете да се ослободите, потрудете се да не го правите тоа пред спиењето, туку најдете друго време од денот кога ќе ги испланирате обврските за утрешниот ден или пак ќе размислувате за напорниот состанок кој ве очекува во текот на утрешниот ден. 

Вашето тело не е уморно

Велат дека уморното куче е среќно куче, но тоа веројатно може да се однесува и на луѓето. Иако е многу убаво чувство да легнеме во кревет по долгиот и напорен ден, треба да знаеме дека редовната физичка активност придонесува за подобар квалитет на сонот. Нека тоа биде ваш приоритет -  редовното движење кое има голема улога на нашето севкупно здравје и расположение, не само сонот. 

Пиете многу вода пред спиење

Хидратацијата е многу важна и сите го знаеме тоа, но не се обидувајте да надоместите пред спиењето. Сакале или не, доколку испиете повеќе вода во текот на вечерта, тоа ќе предизвика редовно станување и одење во тоалет, а со тоа и расонување. Уролозите препорачуваат последната чаша вода да ја испиете 2-3 часа пред спиење. 

Вашиот распоред за спиење е непостојан

Ова е многу важно, бидејќи многу луѓе грешат во овој пристап. Имањето редовен распоред е клучно за квалитетот на сонот. Експертите препорачуваат одење на спиење околу 11:00 часот и спиење барем 7-8 часа во текот на ноќта. Без оглед на тоа кога станувате и каков е вашиот ден, потрудете се да поработите на оваа навика. 

Nike Sneakers | Nike air max