Трговскиот центар Ист Гејт повторно се евакуира, неофицијално дознава Курир.
Според информациите, сите вработени се евакуирани од споредните влезови на трговскиот центар, а исто така внатре нема ниту купувачи.
Во моментов полицијата го обезбедува молот, иако се уште не се знае поради што се евакуирале вработените.
- Денеска бо 13.42 часот пријавено е дека во ТЦ Ист Гејт Мол се вклучиле противпожарните аларми при што веднаш од страна на обезбедувањето е реагирано и е утврдено дека станува збор за запалено возило “рено лагуна” во подземниот паркинг. Пожарот е изгаснат од страна на обезбедувањето, потврдија од МВР за Скопје Инфо.
По евакуацијата на Ист Гејст се огласија од Трговскиот центар од каде велат дека ситуацијата е безбедна и тој ќе продолжи да работи со регуларно работно време.
-Во врска со активирањето на алармниот систем во трговскиот центар, би сакале да Ве известиме дека проблемот на паркингот кај едно од возилата е навремено детектиран и веднаш е решен. Tрговскиот центар е безбеден и продолжува да работи со регуларно работно време, велат од Ист Гејт.
