Општина Центар воведува интервентни мерки против загадувањето. Овие мерки се преземаат по добиеното известување од страна на Министерството за животна средина дека квалитетот на воздухот последователно два дена е надминат над законски пропишаниот миниумум, односно над 188 μg/m3 на мерните станици во Карпош, Центар и Ректорат.
Конкретно, Општина Центар ги прекинува сите градежни активности на градилиштата под своја надлежност и ги интензивира инспекциските надзори над субјектите кои управуваат со отпадни гуми и отпадни масла. Овие мерки ќе важат додека е висок степенот на загадување на воздухот.
Инаку веднаш по доаѓањето на новото раководство, Општина Центар прогласи мораториум за градби на својата територија кој е се уште на сила. Дополнително, отворено е прифатилиште за бездомници во ПОЦ, а функционален е и општинскиот сервис за стари лица.
Општина Центар ќе ги следи препораките од централната и локалната власт за време на високиот степен на загадување на воздухот и порачува истото да го сторат граѓаните.