Откако на социјалните мрежи се појавија обвинувања кон градоначалникот на општина Карпош, Стевчо Јакимовски дека е директно одговорен за сообраќајката што се случи вчера во близина на основното училиште „Јан Амос Коменски“, денес МВР излезе со повеќе детали.
„На 29.03.2024 во 11.20 часот во СВР Скопје, било пријавено дека на крстосница од ул.„Варшавска“ и ул.“Виенска“ во Скопје патничко возило „хјундаи“ со скопски регистарски ознаки, управувано од Б.К.(72) од Скопје, удрило во малолетник од Скопје. Во несреќата со тешки телесни повреди се здобил малолетникот, констатирани во Комплексот клиники „Мајка Тереза“ во Скопје“. Извршен бил увид од увидна екипа од СВР Скопје.
