Денеска се одбележуваат 120 години од смртта на Гоце Делчев. По тој повод Тимчо Муцунски заедно со партиската делегација предводена од претседателот на ВМРО-ДПМНЕ Хриситјан Мицкоски положија цвеќе во црквата Св. Спас, вечното почивалиште на македонскиот херој.
-Оддадовме почит на човекот кој е симбол на револуционерната борба и еден од најзаслужните за македонскиот идентитет, самостојност и државност. Гоце Делчев е идеолог, организатор и водач на организацијата, кој со својата храброст, прагматичност и одлучност даде значаен придонес кон остварување на вековниот сон за слобода и независност. Вечна слава!, порача Муцунски.
„Труд и постојанство, тоа е силата, со помош на која човек станува највелик при секоја иницијатива“. Ова е еден од цитатите на великанот Гоце Делчев, апостол на револуционерната борба и еден од најистакнатите борци за независна и слободна Македонија.