Капитенот на македонската одбојкарска репрезентација, Никола Ѓоргиев излезе со статус на Фејсбук по скандалот во Тарагона, во кој одбојкарите се во главна улога.
Македонските одбојкари поради недисциплина, нарушување на јавниот ред и мир, порано од предвиденото се враќаат во Македонија. Ваквата одлука ја донесе МОК по жалбите што пристигнале од другите земји за однесувањето на нашите спортисти.
На својот фејсбук-профил се јави капитенот Никола Ѓоргиев, кој вели дека одбојкарите ја заслужуваат вистината, иако ниту тој, ниту некој од другите ја открива нивната верзија.
