Утре, во 17 ч, на паркингот пред СЦ „Борис Трајковски“, почнува тринаесеттото издание на фестивалот на виното – „Виноксоп“.
Покрај учеството на најдобрите македонски винарници и вкусни деликатеси, посетителите ќе имаат можност да уживаат и во богата музичка програма.
Секојдневно, од 17 до 19 ч, ќе се одржуваат „афтер ворк“ забави со промотивни цени на виното, а од среда до сабота на фестивалот ќе настапат Пајак, Offchestra, Brass Brothers, „Фолтин“, „Максимовски јунајтед“, Калата, Миле Кузмановски, Елена Ристеска, Нино Величковски, Сале Певац, „Баклава“, Дани Димитровска, „Куку леле“, Алис ин вондербенд, „Љубојна“, Дац и Александар и многу други изведувачи од разни музички жанрови, одлично вклопени во винската есенска приказна.
На „Виноксоп“ ќе има над 40 македонски винарници и гурманско катче, а влезот е бесплатен за сите посетители.
