Муарем А. од скопското село Студеничани вчера загина откако падна од оџак во паркот на јужниот булевар во Скопје. Трагедијата се случила околу 11 часот, кога Муарем дошол да најде работа. Во еден момент, додека работници ги уривале објектите, паднал оџакот и тулите го поклопиле додека минувал на патеката.
Како што пишува Вест, трагедијата се одвивала пред неколку лица кои потресени велат дека се се случило одеднаш, паднале тули, се кренала прашина и го поклопила човекот. Несреќата се случила само секунда откако пред Муарем поминала мајка со количка со бебе.
- "Половина час чекавме да дојде брзата помош, бидејќи не знаевме дали човекот е жив или мртов. За жал, човекот веќе беше мртов", револтирано раскажува сведокот.
Увид на местото на настанот изврши полицијата, а од Градежниот инспекторат најавија дека ќе го испитаат случајот.
