Маж загина качен на воз од струен удар во Градско.
Од Центарот за управување со кризи вчера објавија дека се работи за мигрант на 30-годишна возраст.
Тој се качил на покривот на вагоните на воз што сообраќал на релација Гевгелија-Скопје, а несреќата се случила кај Градско кога дошол во допир со кабел на електрична енергија при што добил струен удар.
Случајот е пријавен во МВР и Итната медицинска помош. Според информациите од полицијата, лицето не давало знаци на живот, а потоа и од Итната медицинска помош било констатирано истото.
