По прикажувањето на филмот „Тома“ посветен на животот на легендарниот југословенски пејач Тома Здравковиќ, во македонската јавност се покрена прашањето зошто не се сними филмско остварување за некоја славна македонска личност.
За Тоше Проески, Емса Реџепова, Гоце Арнаудов, Јонче Христовски, Ѓорѓи Колозов, за Игор Џамбазов, Драган Мијалковски... кои се предлозите и зошто токму тие, одговара јавноста:
-За Гоце Арнаудов, струмички боем, специфицен глас, боем, жени, коцка, краток живот...
-Тоше,Есма,Васка,Вања,Прличко,Шишков,Кирил Манчевски,Ј.Христовски и мн. други
-Јонче Христовски - како најадекватен, потоа Пепи Бафтироски, Гоце Николовски, В.Хаџиманов, Есма и Бадев од пеачи, Шишков од актери.
-Јонче Христовски, Васка Илиева и Тоше Проевски.
-За Ѓорѓи Колозов, последниот македонски цар. За неговата харизма и хумор толку природен и наш.
-Тоше ама беше млад невин и се плашам дека штом до сега никој не направил сценарио дека сме некадарни за жал.
-Би рекла Есма Реџепова!!! Позната низ целиот свет! Во Индија од Индира Ганди е прогласена за "Кралица на Ромската музика" а за неа најголемито хуманитарец на Балканот и по широко, можат да се напишат повеќе томови книги и фотографии! Целиот свој имот и го остави на Македонија! Цел Балкан и одвои простор на своите медиуми! Тоше можеби ќе го заземеше првото место но, прекратко живееше за толку обемна биографија!
-Секој си има своја големина и приказна за себе од животот. Многу од нив заслужуваат а многу од нив можат да бидат и пример за инспирација кај помладите.
-Зошто се споредува Тома со наши пејачи? Јас колку што можев да разберам содржината на филмот не е во музичкиот дел,туку во животните турбуленции на личноста. Почнува од нула, достигнува слава, се оддава на пороци, алкохол, коцка неконтролирано трошење на финансиите, здравствената состојба и на крај се враќа на појдовна точка нула. Умира осамен го погребуват колегите од естрадата.
