Драстично се намалува бројот на дечиња што чекаат за упис во градинка во скопската општина Ѓорче Петров, односно нивната бројка е речиси преполовена.
Првиот човек на општината Александар Стојкоски вели дека и покрај потешкотиите на кои наишле, успеале со сопствени средства да платат воспитувачи и негователи и со тоа да се овозможат услови за прием на нови деца во оваа градинка.
-Денеска отворивме три нови занимални со капацитет од околу 100 деца во клонот „Детелинка“- градинка „Росица“ во у.з.Мирче Ацев. Годинава згриживме 1.250 деца на територија на општината, информираше Стојкоски.
-Напорно работиме на планови за отворање нови објекти. Општина Ѓорче Петров веќе има изготвено и проект за изградба на градинка на нова локација во Стопански Двор. Со промената на ДУП-от СЗ 21, очекувам проширување и на капацитетите на клонот „Рипчиња“, додава тој.
Градоначалникот рече дека очекува МТСП да реагира во однос на согласностите за вработување во градинката во Волково.
