Спортската сала, во склоп на основното училиште „Страшо Пинџур“, во населбата „Даме Груев“ во скопската општина Ѓорче Петров добива нов кров.
-Ова ќе значи крај на прокиснувањата при секој дожд. Азбесниот кров е минато, а ова ќе значи подобрени услови за секој ученик, но и спортист. Промената на кровот е отпочната, а станува збор за површина од 700 м2, информираше градоначалникот на општината Александар Стојкоски.
Реконструкцијата на покривот е во рамки на проектот на УСАИД за меѓуетничка интеграција на младите во образованието, кој го спроведува МЦГО - Македонски центар за граѓанско образование / MCEC.