СОНК бара веднаш после изборите да се усогласат платите во согласност со зголемувањето на минималната плата. Според нивните очекувања вработните треба да добијат покачување од 12,15%
„Дополнително, реков ќе продолжат преговорите за склучување на колективни договори за основно и средно образование. Тоа што бевме на прагот за потпишување, меѓутоа од некои неоправдани причини колективните договори не се потпишаа“, изјави Јаким Неделков- претседател на СОНК.
Од СОНК најавуваат дека ќе продолжат и преговорите за утврдување на новите коефициенти на сложеност на работните места.
„Најдоцна до декември 2024-та година треба да се утврдат новите коефициенти на сложеност по работно место, коишто ќе бидат во примена од март 2025-та година со новата методологија за исплата на плати“, додава Неделков.
Неделков најави и сериозни разговори за надминување на проблемите кои ги има во областа на детската заштита и градинките.
