Почна големата есенска акција за зазеленување на градот во чии рамки ќе бидат засадени 3.500 висококвалитетни листопадни садници на повеќе локации во сите скопски општини. Приоритет е ставен на обновување на постојните дрвореди во градот и подигање нови во Ѓорче Петров и на Бит-пазар.
– Во Скопје по градските сообраќајници и во средишните жардиниери на булеварите има речиси 500 пенушки (остаток од пресечено или паднато дрво) во постојните дрвореди кои ќе бидат отстранети и на нивно место ќе се засадат нови здрави садници. Најголем број од пенушките ќе бидат заменети на булеварот “Митрополит Теодосиј Гологанов”, каде што ќе бидат заменети вкупно 49 – информираат од Град Скопје.
Оваа есенска акција Градот Скопје ќе ја реализира заедно со сите скопски општини кои во неа ќе учествуваат со свои работници, механизација и садници.