По низата скандали, македонската јавност веќе гласно бара од МРТВ да го повлече учеството на Васил Гарванлиев од годинашното издание на Евровизија, а веќе има активни најмалку две петиции за таа цел.
Организаторите и потписниците на петициите се согласни дека претставникот треба да биде променет, но и да се размисли дали навистина сакаме да учествуваме како држава на овој фестивал. Потсетуваме, македонската јавност најпрво реагираше на кадар со делото „Триптих“ на авторката Жанета Вангели, каде боите се распоредени како на бугарското знаме, а потоа и на јавното признание дека Гарванлиев има и бугарско државјанство.
Сето ова се случува во исклучително чувствителен период за билатералните односи меѓу Македонија и соседната земја, а многумина сметаат дека во овој момент навистина не ни треба претставник кој покрај Македонец, се декларира и како Бугарин.
На социјалните мрежи ставовите по ова прашање се буквално поделени - едни сметаат дека ако Васил нè претставува, тоа е срам за Македонија, додека пак други сметаат дека треба да се фокусираме на уметноста и талентот на пејачот, бидејќи ниту е прв, ниту единствен со двојно државјанство и во Македонија, но и воопшто на Евровизија.
срамота е ова што му се прави на васил, буквално е невиден булинг
фокусирајте се на реалните проблеми, не на претставникот на евровизија— Poison Ivy (@Hedera_Genus) March 15, 2021
Потпиши се за да се повлече Васил Гарванлиев од евровизиското претставување на Македонија!
https://t.co/Rx1bxGsZDS https://t.co/o0VMK974GH— Немам Ник (@Stojkovski94) March 15, 2021
Колкави патриоти станавте после спотот на Васил, а за кирилица како да немате чуено, не знам и не можам заедно ги пишувате и после си земате за право да зборувате дека боите биле на бугарското знаме. Да ве потсетам јазикот е најголемото богатство и треба да се негува и чува.
— Name cannot be blank (@odditystar) March 15, 2021
Тој што нема бугарски пасош или не пробал да извади, нека го фрли првиот камен кон Васил.
— Lucilla (@Lucilla1998) March 15, 2021
Ок дечки, сфативме, ви смета Васил зашто е отворено геј, куршлузот со Бугарија само го користите како димна завеса за вашата хомофобија.
— The Lyric Tenor (@LirskiTenor) March 15, 2021
