86-годишник од струмичко е тешко повреден откако во неговата инвалидска количка удрил возач со „пасат“.
- На 08.06.2024 во 07.50 часот во СВР Струмица, било пријавено дека на крстосницата од булевар „Ленинова'', ул.,,Браќа Миладинови'' и ул.„Цветан Димов“ во Струмица патничко возило „фолксваген пасат“ со струмички регистарски ознаки управувано од З.К.(59) од Струмица удрило во инвалидска количка управувана од П.К.(86) од село Добрејци, струмичко. Во несреќата со тешки телесни повреди се здобил П.К. констатирани во Медицинскиот центар Струмица, соопштија од полицијата во дневниот билтен.
Извршен бил увид од увидна екипа на СВР Струмица.
