Комисијата за заразни болести не препорача нови или дополнителни рестрикции на оние кои веќе се на сила.
Со тоа, останува активна мерката полициски час од 22 часот, до 5 часот следното утро. Рестораните и другите угостителски објекти продолжуваат да работат до 21 часот, со препорака за почитување на мерките за дистанца и број на гости на една маса.
Ваквите мерки остануваат на сила до 6 април 2021, но во меѓувреме активно се следи епидемиолошката состојба, со цел да се свика нов состанок на Комисијата за заразни болести, доколку тоа е потребно и да се предложат нови рестриктивни мерки.
