Претседателот на Република Македонија, Ѓорге Иванов, денес, со Орден за воени заслуги ќе ги одликува Одделот за гранични работи и миграции при Министерството за внатрешни работи и Единицата за обука и поддршка при Министерството за внатрешни работи.
Орденот за воени заслуги на единицата и на одделот при МВР се доделува за особени заслуги и за исклучителен придонес во зачувувањето на суверенитетот, независноста и територијалниот интегритет на Република Македонија, како и за зацврстувањето на националната безбедност и сигурноста на македонските граѓани.
