Три непознати маскирани лица извршиле разбојништво во спортска обложувалница во Скопје.
Министерството за внатрешни работи соопшти дека синоќа околу 22.00 часот во спортска обложувалница на ул. „8-ми Септември“ во Скопје три непознати маскирани лица извршиле разбојништво врз вработените. Сторителите со закана со пиштол го одзеле дневниот промет и побегнале во непознат правец.
СВР Скопје презема мерки за пронаоѓање на сторителите и за целосно расчистување на случајот.
