Нов скандал го стресе македонското здравство откако синоќа на социјалните мрежи вирално се сподели потресно сведоштво на една мајка, која ги обвини лекарите дека нејзниото дете со аутизам го малтретирале и врзувале во психијатриска установа.
- После месец дена, мојот син денес го зедовме од психијатриска болница, така ни кажаа викендов. Јас не можам да верувам каде живееме, зарем нашето дете е ѕвер? Да, агресивен стана овие две години и затоа побаравме здравствена помош, но во 21 век да го врзувате ... ? Дали така се заколнавте кога полагавте дека ќе бидете хумани? Ова дете е 17 годишно ... Душата ме боли, се прашувам дали ние како родители погрешивме што побаравме помош?! Зошто нема соодветна институција за нашите деца? Вака не се смирува дете, ова е насилство! Барам одговорност за овие рани од што бил врзуван!, вели шокираната мајка.