Општина Ѓорче Петров, во соработка со Агенцијата за финансиска поддршка во земјоделството и руралниот развој, обезбеди средства и почна со реконструкција на патот кон селото Кучково. Со тоа овозможи трајно решавање на деценискиот сообраќаен проблем на граѓаните што транзитираат во ова населено место од општината Ѓорче Петров.
– За таа цел, го реконструираме патот, ширината на коловозот се зголеми и изнесува шест метри, а безбедноста на пешаците се решава со изградба на тротоари од двете страни на патот, со широчина од по два метри. На сообраќајницата, како и на кружниот тек што ќе се гради во центарот на Волково, се постави ново улично осветлување – информираат од Општина Ѓорче Петров.
Оттаму велат дека активностите во екот на ковид-19 биле редуцирани, но далеку од стопирани. Тие тврдат дека интересите на граѓаните, нивната безбедност и создавањето услови за подобар живот им се најважни.