Кога и како ќе користиме евтина струја?

Владата на Република Македонија вчера најави воведување на евтина струја за граѓаните. Но, како и кога ќе може да се користи повластената цена на електричната енергија?

Според информацијата од Владата мерката предвидува по два часа денска евтина тарифа на струјата, секој работен ден и сабота од 14 до 16 часот, потоа секој работен ден евтина струја од 22 часот до 7 часот наутро и во неделите 24 часа евтина тарифа на струјата.

Оваа мерка која се воведува од 1-ви октомври, ќе се овозможи преку заштеди на енергетските компании МЕПСО и ЕЛЕМ, така што ќе се намалат нивните непродуктивни трошоци, рече вицепремиерот за економски прашања, Кочо Анѓушев.

-Намалувањето на цените на ископините и репроматеријалите и преку домаќинско работење во енергетските компании ќе биде преточено во секое семејство како бенефит. Такви заштеди се веќе направени – рече тој.

ЕВН, додаде, нема да добие субвенции од државата за спроведување на мерката која, посочи, нема да биде временски ограничена до либерализација на енергетскиот пазар како што се очекуваше.

nike air max 1 sale