Вардар го очекува најважниот натпревар досега оваа сезона, првиот четвртфинален дуел со Веспрем, кој може да ни донесе голема предност пред реваншот во Унгарија. Играме утре во 16:00 часот, а очекувањата се дека со помош на својата публика, Вардар има сили да го победи европскиот вицешампион.
Ракометарите на унгарскиот шампион денеска пристигнаа во Скопје и веднаш ќе го започнат тренингот во салата на СЦ Јане Сандански. Нашиот фотограф ги забележа ракометарите како пристигнуваат со автобус пред Хотелот Руссиа.
