Предавањата се во организација на Здружението за унапредување на квалитетот на живот на лицата со аутизам спектар на нарушување „Сина светилка“ како дел од Еразмус+ програмата, а ги одржуваат пет наставници од ООУ „Ј.Х. Песталоци“ кои завршиле обуки во Кипар и Данска.
Покрај наставниците во чии одделенија има ученици со аутистичен спектар на нарушувања со обуките ќе бидат запознаени и сите други наставници како и стручните тимови во училиштата како дефектолози, психолози и педагози.
- Прилагодување на образовните содржини за учениците со аутизам носи полесно совладување на материјалот, поголема самодоверба и повеќе насмевки, напиша Горан Герасимовски.
