56-годишниот Климе Ковачески е сопственик на еден од најпопуларните ресторани во Мајами. Весникот Wall Street Journal пишува за Македонецот кој со својата сопруга Анита успешно работат на една од најконкурентните пазари во светот кога станува збор за храна и угостителството.
Со долга кариера во приготвувањето на фина грана, шефот Климе Ковачески кој е со потелко од Македонија, одлучил да отвори ресторан во Мајами. Како што пишува, Студенти.мк, токму тоа се случило пред 2 години кога тој, заедно с неговата сопруга го основале ресторанот CRUST за пица и паста. Ресторанот започнал да работи од јуни 2015 годиниа, а во 2016 година успеал да достигне продажба во вредност од 1.000.000 долари. Клике очекува добрата работа да продолжи па така во 2017 да се достигне бројак од 1.5 милиони долари. Овој ресторан е многу често рангиран како број 1 во Мајами.
Формулата на Климе и неговата сопруга Анита, со која заедно го водат ресторанот, е непрекината работа и страст, како и посветување на внимание на секој можен детал. Тие вложуваат максимален напор во секој аспект од бизнисот, вклучувајќи ја и употребата на ресурси, следење на рецензиите за ресторанот и комуникацијата со клиентите и слично. Како што велат тие, многу често се случува да работат по 12 часа на ден, и тоа шест или седум дена во неделата.
