Мобилната единица за безбедност во сообраќајот на патиштата во текот на вчерашниот ден спроведе зајакната акциска контрола за санкционирање на возила кои непрописно престигнуваат на територијата на Република Северна Македонија, при што се санкционирани 193 возачи.
Како што соопштија од МВР, од нив, 72 на територијата на СВР Тетово, а 44 непрописно престигнувале на територијата на СВР Охрид.
Засилените акциски контроли продолжуваат и во наредните денови, најавуваат од МВР и апелираат до сите учесници во сообраќајот да ги почитуваат сообраќајните правила и прописи.
