Владата на Република Северна Македонија конечно ја презеде Универзална сала од Град Скопје, откако градоначалничката Данела Арсовска не сакаше да се продолжи со реконструкцијата. По една година натегање со Владата и иницијативи на советниците, на последната седница на Советот на Град Скопје, со мнозинство гласови, одлуката за преземање на концертната сала беше изгласана.
„За“ гласаа 26 советници на СДСМ и на ВМРО-ДПМНЕ, против беа само од Левица и еден советник беше воздржан. Со оваа одлука правото за реконструкција, доградба и надградба на салата се пренесува на Министерството за култура, а откако ќе биде направена, повторно ќе се врати во надлежност на Град Скопје.
Сега Министерството треба да ја заврши првата фаза која ја почна екс-градоначалникот Петре Шилегов, односно реконструкција на надворшеноста за што веќе има пари и избран е изведувач. Втората фаза предвидува реновирање на внатрешноста на салата Универзална сала не работи 7 години.
Почна да се реновира во септември 2021, но по доаѓањето Арсовска градежните работи беа прекинати. Таа го обвини минатото раководство дека е виновно што концертната сала не се гради како и дека е небезбеден проектот.