Едно лице загина, а три се полесно повредени во сообраќајна несреќа која синоќа, околу 23.30 часот се случила на автопатот Куманово-Скопје, кај с.Агино Село.
Автомобил „Мерцедес“, со скопски регистарски ознаки, управуван од С.Т.(25) од с.Агино Село, излетал од патот, информира МВР.
-По незгодата, возачот и сопатниците биле пренесени Комплекс клиники „Мајка Тереза“ во Скопје, каде кај С.Т. била констатирана смрт, а кај сопатниците Ж.Ѓ. Ф.Д. и Б.А., биле констатирани телесни повреди, посочуваат од полицијата.
Извршен бил увид на местото на незгодата од Јавен обвинител и увидна екипа од СВР Куманово.
