20 годишник од Скопје е приведен заради сомнение дека извршил кражба.
Кај него, според информациите на МВР биле пронајдени предмети и лични документи кои потекнуваат од извршени кривични дела.
Од МВР ги соопштија деталите:-
На 27.09.2022 во 19.00 часот на подрачјето на Центар-Скопје, полициски службеници од Единицата за внатрешни работи Центар и Бит Пазар при СВР Скопје го лишиле од слобода А.И.(20) од Скопје, поради сомнение дека сторил кривично дело „кражба“ по член 235 од Кривичниот законик. Кај него биле пронајдени предмети и лични документи кои потекнуваат од кривични дела. - се вели во соопштението.
Од МВР додаваат дека по извршена дополнителна проверка било констатирано дека пријавениот се бара по неколку потерници поради постоење основано сомнение за сторени шест кривични дела во периодот од 06.05.2022 до 27.09.2022 на подрачјето на СВР Скопје, од кои три кривични дела „тешка кражба“ казниви по член 236 од Кривичниот законик и три кривични дека „кражба“ казниви по член 235 од Кривичниот законик.
За случајот е запознаен и Јавен обвинител и по целосно комплетирање на случаите против него ќе биде поднесен соодветен поднесок.
