Дали постојано ја бркате среќата? Кога постојано живеете во планови насочени кон иднината, ризикувате животот едноставно да лета покрај вас. Забораваме дека среќата е СЕГА и ТУКА, токму во овој момент. Спротивното верување нè спречува секогаш да бидеме среќни и може да донесе негативност. Многу од овие верувања се усвоени во детството, а еве две кои треба да ги напуштите од животот за да живеете посреќни:
1. „Ќе бидам среќен/среќна кога ќе стигнам до целта“
Многу луѓе мислат дека ќе бидат посреќни кога ќе го постигнат она што го зацртале. на пример, купување стан, стапување во брак, напредување на работа, проширување на семејството, патување... Сепак, среќата доаѓа од нас, а ако не сте среќни сега, нема да бидете среќни на долг рок дури и кога ќе ги постигнете сите ваши цели. Кога ќе ги постигнете целите, ќе бидете посреќни во тој момент, но со тек на време ќе се појават некои нови цели и повторно ќе ја барате среќата. Не фокусирајте се на надворешни фактори, туку почнете да ја градите среќата во себеси за да бидете задоволни дури и кога работите не одат добро.
2. „Мојата среќа зависи од другите“
Среќата лесно ја поврзуваме со други луѓе, најчесто со деца, партнери, пријатели. Вистина е дека тие прават многу моменти да бидат посреќни, но вистинската среќа доаѓа одвнатре. Другите се тука за да ве поддржуваат, да ви помогнат, да се радуваат со вас, но само вие сте одговорни за вашата среќа.
Не можеме секогаш да бидеме среќни во животот, бидејќи животот со себе носи цела низа чувства, од радост до тага. И секоја наша емоција е во ред, треба да се прифати. Но, ако ја практикувате среќата во сегашниот момент, ќе ви биде многу полесно да се справите со темните моменти.
