Барем пет угостителски објекти не ги почитувале мерките за заштита од ширење на заразата со коронавирусот. Од донесувањето на новите мерки, до денес, затворени се пет ресторани, пишува Локално.
-Извршени се над 6000 контроли и над 250 инспекциски надзори.Во истиот период издадени се 5 решенија за затварање угостителски објекти, од кои 4 во Скопје и едно во Гостивар, за што се издадени прекршочни платни налози во вкупен износ од 4000 евра во денарска противвредност за одговорното лице, 6000 евра во денарска противвредност за правното лице и 500 евра во денарска противвредност за физички лица кои вршат угостителска дејност нерегистрирано.Со оглед на фактот дека Државниот пазарен инспекторат врши превентивни мерки ( согласно начелото на превентивност) за таа цел спречено е одржување на прослава (свадба) - информираат од ДПИ.