Од јавното претпријатие „Паркови и зеленило“ се огласија со соопштение во кое информираат дека нивни екипи на терен сè почесто забележуваат оштетувања и уништување на јавните зелени површини како резултат на прекопи, ископи и други инфраструктурни проекти.
„Уништени тревни површини, оштетени и целосно уништени дрвjа, зимзелени садници, цветен расад, како и парковска урбана опрема говорат за несоодветно и неодговорно однесување кон животната средина“, предупредуваат од јавното претпријатие.
Оттаму апелираат дека при изведба, реконструкција или инфраструктурни зафати, каде се оштетува и загрозува просторот на јавното зеленило, треба да се внимава и постапува според Законот за урбано зеленило и Одлуката за комунален ред и сите правни лица, при активности на изведување прекопи да се обратат и да ги информираат службите на „Паркови и зеленило“ и Град Скопје за да може навреме да интервенираат и да ги спасат и заштитат садниците.