Тргнувајќи од нашите заложби за подобрување на целокупната состојба во училиштата, Општина Ѓорче Петров поддржа уште еден значаен проект чија цел е да го поддржи и промовира почитувањето на правата на детето како предуслов за демократски училишни заедници кои градат и негуваат активни и одговорни граѓани, информираше денеска градоначалникот на општината Александар Стојкоски.
За таа цел, подрачното училиште „Јоаким Крчовски“-Никиштане и Фондација за образовни и културни иницијативи „Чекор по чекор“ како главен носител, денеска потпишаа Меморандум за соработка според кој ќе се спроведува тригодишниот проект на Фондацијата.
- Општина Ѓорче Петров како поддржувач на вакви чекори секогаш се води од заедничкиот интерес за унапредување и заштита на детските права и подобрување на квалитетот на работата на училиштата. Проектот е во насока на заштита на правата на детето преку собирање и анализа на податоци од истражување. Преку истиот се очекува поддршка, унапредување и заштитата на правата на детето во училиштата преку јакнење на капацитетите и ученичко учество и подигање на јавната свест за правата на децата преку јавна кампања, велат надлежните од општината.
Проект го спроведува Фондацијата за образовни и културни иницијативи „Чекор по чекор“ „Stand up 4 Children Rights!/ Децата на 1-во место! и истиот е финансиран од Европската Комисија.
- Нашите најмлади жители се нашата иднина и секој позитивен чекор во образовниот систем е вложување во подобри генерации, порача Стојкоски.
